ज्यांना आधार हवा, त्यांच्यासाठी आम्ही आहोत

निराधार मुलांच्या भविष्यासाठी समर्पित कार्य

नवजीवन आधार संस्था ही ठाणे, महाराष्ट्र येथे कार्यरत असलेली नोंदणीकृत (रजिस्टर्ड) सामाजिक संस्था आहे. समाजातील गरीब, निराधार व गरजू मुलांच्या उज्ज्वल भविष्यासाठी संस्था अविरतपणे कार्य करत आहे.

ज्या गरीब व गरजू पालकांना आपल्या मुलांना शिक्षण देता येत नाही, तसेच राहण्याची व जेवण्याची व्यवस्था करता येत नाही, अशा पालकांची मुले उदरनिर्वाहासाठी काम-धंद्यासाठी बाहेर जाण्यास भाग पडतात. अशा मुलांना आमच्या आश्रम/हॉस्टेलमध्ये शिक्षण, जेवण, राहणे व आरोग्य या सर्व मूलभूत गरजांची पूर्तता करून प्रवेश दिला जातो.